Спречете создавање на камен во жолчката

Иако на одредени ризик фактори не може да се влијае (генетика, години и пол), постојат работи кои може да ги направите како превенција.

Камењата во жолчка се кристали кои се создаваат со насобирање на нормални или абнормални состојки во жолчката, кога ќе се поремети нивата рамнотежа. Може да бидат големи колку зрно песок, па дури и поголеми од еден сантиметар.

Иако на одредени ризик фактори не може да се влијае (генетика, години и пол), постојат работи кои може да ги направите како превенција. За почеток – ослободете се од вишокот килограми, бидејќи спред студија објавена во списанието “Gut and Liver“, токму дебелината е водечка причина за настанување на камења во жолчката.

Избегнувајте агресивни диети

Најдобар начин за спречување на појава на камења е константна умерена и правилна исхрана. Ако имате вишок килограми, слабејте пополека, бидејќи во спротивно може и да го зголемите ризикот за појава на камења. Консумирајте намирници богати со влакна, избегнувајте шеќер, а зголемете го внесот на житарки, јадете здрави масти, како што е маслиновото масло.

Вежбајте

Редовната телесна активност може да ви помогне како превенција, а интензитетот на вежбање не е важен. Обидете се за вежбање да одвоите по 30 минути барем три пати во неделата.

Користете куркума

Куркумата е исклучително силен антиоксидант кој помага во борбата против сите воспаленија, а стручњаците се согласуваат дека ја зголемува моќта на топење на жолчката и така му олеснува на организмот во разградувањето на материите.