Научниците утврдиле дека лицата со нормална телесна тежина кои поголем дел од денот го поминуваат седејќи, но сепак неделно достигнуваат до минимално препорачаното ниво од 150 минути умерена физичка активност, имаат околу 58% помал ризик за инфаркт или мозочен удар во споредба со лица кои имаат зголемена телесна тежина. Но, кај лицата со нормална тежина кои го минуваат животот речиси седејќи, без никакви физички активности ризикот за сериозни срцеви епизоди не е битно поинаков од оној кај дебелите лица.
“Одржувањето нормална телесна тежина не е само по себе доволно за здравјето“, вели водачот на истражувањето Арч Меијнус, од Универзитетот Гејнсвил во Флорида.
“Тоа е важно за пациентите поради тоа што можеби може да имаат лажно чувство на сигурноср гледјаќи ги само бројките на вагата. Седечкиот начин на живот може да ја поткопа предноста на здравата телесна тежина и да го зголеми кардиоваскуларниот ризик на ниво кое го имаат лицата со вишок килограми“, вели д-р Меијнус.
Кога луѓето многу седат, посебно со средната животна доб и подоцна, може да изубат од мускулната маса и кардиореспираторно да ослабат, додава лекарот.
Учесниците во истражувањето биле на возраст од 40 до 79 години и без историја на срцеви болести. Научниците со помош на стандарден калкулатор на ризик факторите го проценувале ризикот за срцев или мозочен удар. Високиот ризик бил шанса од помалку од 7,5% тоа да се случи во наредните 10 години, а нискиот ризик бил помал од 7,5% шанса. Лицата со здрава телесна тежина имале индекс на телесна маса од 18,5 до 24,9, а оние со прекумерна тежина имале индекс од 25 до 29.9.
Вкупно 35% од испитаниците имале висок ризик за срцеви болести или мозочен удар кога биле земени предвид сите ризик фактори, освен тежината, се наведува во студијата објавена во списанието American Journal of Cardiology.
Меѓу испитаниците со нормална телесна тежина, висок ризик имале околу 30% од лицата.
Кога го проучувале распоредот на масното ткиво во делот на абдоменот, научниците утврдиле дека лицата со нормална телесна тежина со премногу масно ткиво во тој дел имале двојно поголем ризик за срцеви епизоди од лицата со нормална тежина без висцерално масно ткиво. А, возрасните лица со нормална телесна тежина кои останувале без здив за време на вежбањето имале за 35% поголема шанса за висок ризик од срцев и мозочен удар во однос на лицата со нормална тежина кои не се задишувале при напор.
Резултатите ја потврдуваат важноста на телесната активност дури и при здрава телесна тежина, потенцираат истражувачите.
