Кокосовиот сируп е природен засладувач кој се добива од слаткиот сок собран од дебелите стебла или пупките на кокосот во цветање. Течноста која така се добива потоа се подложува на испарување на ниски температури додека не се добие густ сируп кој е благ, со низок гликемиски индекс и богат со хранливи состојки. За разлика од некои други сирупи, кои мора да се подложат на високи температури за да се концентрира нивната густина и слатка содржина, кокосовиот сируп се загрева максимално на 40 степени Целзиусови така што може да се смета за суров целосно природен засладувач. Вкусот на овој сируп не наликувва на вкусот на кокосот, туку потсетува на мелаза која се добива со преработка на шеќерна трска, но е помалку благ.
Кокосовиот сируп содржи релативно мали количини на природен шеќер (глукоза и фруктоза), вкупно околу 10 проценти. Неговиот гликемиски индекс е 35, што е значително помал во однос на оној од шеќерот од шеќерна трска (58-65), а особено од белиот рафиниран шеќер. Поради тоа се смета за идеален засладувач за лицата кои настојуваат да го држат под контрола нивото на шеќерот во крвта.
Кокосовиот сируп содржи 17 аминокиселини, вклучувајќи ги сите 9 есенцијални, што, веројатно, е единствениот случај меѓу природните засладувачи. Содржи витамини од Б групата, витамин Ц, како и калиум, магнезиум, цинк и железо. Кокосовиот сируп е извор на мио иноситол, супстанца која учествува во бројни процеси во организмот, особено придонесува за правилно функционирање на мозокот и мускулите. Пробиотикот инулин што се содржи во кокосовиот нектар го храни и го поттикнува растот на добрите бактерии во цревата.
