Претераниот внес на сол, односно натриумот од солта, и недоволниот внес на калиум се еден од главните виновници за чувството на надуеност и ’задржување на водата’ во делот на стомакот и екстремитетите. Избегнувањето на солта во исхраната е првиот чекор во борбата против надуеност, но таа задача ни малку не е лесна. Имено, солта е природно присутна во храната, и како и онаа која ја додаваме за време на готвењето прави само мал дел од вкупниот внес.
Храна со најмногу сол
Солта е минерал составен од два елементи – натриум и хлор. Иако најзастапен е хлорот, натриумот е тој кому треба да му се посвети внимание, затоа што цврсто е поврзан со насобирањето вода во телото, што во праксата се отсликува преку желбата за зголемена желба за консумирање вода после солени јадења. Со други зборови, намирниците кои изобилуваат со сол можат да доведат до задржување на водата, објаснила нутриционистката Сандра Крстев Бараќ и открила која храна содржи најмногу сол.
- Сувомеснатите производи (особено пршутата);
- Солената риба;
- Конзервираните намирници;
- Чипсот;
- Кикиритките и грицките;
- Солените сирења (пример, фета);
- Процесираната храна.
Трикови за ублажување на последиците
Ако често се внесуваат поголеми количини сол бубрезите стануваат преоптоварени, па телото ја задржува водата и тоа воедно е причина зошто се чувствувате надуено. Како резултат на задржувањето на натриумот се зголемува и волуменот на крвта во телото, што ја отежнува работата на срцето и со време може да доведе до висок крвен притисок, срцев и мозочен удар. Предозирањето со сол најчесто се случува ако консумирате конзервирана или јадете готова храна, објаснува Бриерли Хортон, нутриционистка и советува што треба да се преземе за да се ублажат симптомите поради преголемиот внес на сол.
Пијте големи количества вода – водата ќе помогне да се отстрани солта од бубрезите и ќе помогне да останете хидрирани, а тоа, пак, ќе го намали чувството на надуеност.
Вежбајте – со потењето може да се излачат одредени количества сол, но притоа бидете внимателни и внесувајте доволно вода.
Изедете банана – калиумот придонесува за неутрализирањето на натриумот. Намирниците како што се бананите, гравот, листестиот зелен зеленчук и компирот се извор на калиум.
