Oваа супа е богата со минерали, благодарение на хранливиот зеленчук, билки и зачини, во облик кој организмот може лесно да го свари и искористи. Хранлива е колку што е и лековита, бидејќи состојките на овој едноставен рецепт донесуваат бројни здравствени придобивки и за душата и за организмот.
Морковите помагаат да се намали крвниот притисок, да се релаксираат мускулите и да се избалансираат когнитивните функции. Лукот и кромидот имаат моќни антивирусни и антибиотски својства и можат да помогнат да се отстранат тешките метали и паразити од телото.
Магдоносот и шитаке печурките се богати со железо, што е од суштинско значење за спречување на анемија, а содржат и цинк кој е многу корисен за лекување на вирусни инфекции и зајакнување на имунолошкиот систем. Корен од ѓумбир и куркума помaга да се намали воспалението и да се подобри функцијата на црниот дроб, а корисни се и во одржување на сјајна коса и здрава кожа.
ПОТРЕБНИ СОСТОЈКИ:
- 4 моркови или 1 сладок компир, исечкани на коцки
- 2 стебленца целер, грубо исечкани
- 2 кромида, исечкани
- 1 чаша магдонос, ситно исечкан
- 1 чаша шитаке печурки
- 2 домати, исечкани
- 1 лук (околу 6-8 чешниња), ситно исечкани
- 1 парче свеж корен од ѓумбир
- 1 парче свеж корен од куркума
- 8 чаши вода
- по желба: чили пиперки
ПОДГОТОВКА:
Ставете ги сите состојки во тенџере и оставете да зовријат. Намалете го огнот и оставете да крчка околу еден час.
