Пишува: Проф. д-р Дејан Докиќ, специјалист по пулмологија и алергологија
Кај пациентите со атописки дерматитис од сите возрасти може да се видат окуларни абнормалности. Најчестата и потенцијално сериозна компликација е развивање на предна супкапсуларна катаракта. Ваквите инциденти се случиле кај 5-16% од 10-30 годишна возраст. Ретко може да се случи предната супкапсуларна катаракта, но ова е често кај пациентите третирани со системски кортикостероиди.
Други окуларни состојби видени во асоцијација на атопискиот дерматитис се конјуктивитиси, кератитис и кератоконус (издолжување на корнеалната површина).
Конјуктивитисот е честа компликација од атопискиот дерматитис што трае една година, но може да се види и во сезонска распространетост во асоцијација со алергичен ринитис кај пациентите со аероалергена хиперсензитивност. Пролетниот конјуктивитис е карактеризиран со “калдрмава“ шема на папулите на внатрешноста на очниот капак. Може да предизвика тешкотии, но честиот и повторлив третман ќе спречи корнеална абразија.
Асоцијацијата на атопскиот дерматитис со кератоконус не е објаснета, но сепак се наоѓа кај 1% од пациентите со оваа болест. Корнеалните ерозии со последователни херпесни инфекции може да поминат недијагностицирани и без лекување кај некои пациенти со атописки дерматитис.
Кожни состојби
Keratosis pilaris и pityriasis alba се две бенигни кожни состојби кои се чести кај атопискиот дерматитис.
Pityriasis alba е карактеризирана со нееднакви области на пигментација на кожата кои почнуваат на главата и се прошируваат по телото.
Keratosis pilaris фоликуларна хиперкератоза карактеризирана со фини папуларни лезии опколени со сува кожа што почнуваат на задникот и надворешните површини на надлактиците и бутовите.
Двете состојби може да се појават во други болести на кожата кај пациентите со здрава кожа. Нивните причинители се непознати, но двете остануваат бенигни непријатности.
Во наредното стручно со проф. д-р Дејан Докиќ: Терапевтски мерки против атопискиот дерматитис
