Во студијата за влијанието на мерките на изолација во 11 земји, научниците од Империал Колеџот во Лондон, наведуваат дека драстичните мерки, воведени претежно во март, имале значаен ефект и дека придонеле за намалување на стапката на репродукција на болеста под еден, до почетокот на мај.
Стапката на репродукција покажува колку луѓе во просек заразува едно инфицирано лице. Стапката поголема од 1 може да доведе до експоненцијално ширење на заразата.
Научниците од Имперал Колеџот процениле дека до почетокот на мај, помеѓу 12 и 15 милиони лица во 11 земји (Австрија, Белгија, Велика Британија, Данска, Гранција, Германија, Италија, Норвешка, Шпанија, Шведска и Швајцарија) биле заразени со вирусот.
Споредувајќи го бројот на починати со бројката на смртни случаи предвидени со нивниот модел, доколку не биле воведени никакви мерки, утврдиле дека се спречени околу 3,1 милион смртни случаи. Резултатите од истражувањето се објавени во списанието Nature.
Друго истражување на научници во САД, исто така објавено во истото списание, проценило дека мерките на изолација во Кина, Јужна Кореја, Италија, Франција и САД, спречиле или одложиле околу 530 милиони случаи на зараза.
