Супата ја осмислил Ернст Моро, лекар, педијатар кој е најпознат по откритието на примитивниот рефлекс (кој по него е наречен Мооров рефлекс). Студирал медицина во Австрија, а работел како лекар во Виена и Минхен и станал професор на Универзитетот во Хајделберг. Тој ги вовел сировите јаболка во исхраната на доенчињата, осмислил формула за нивно хранење (Моорово млеко), како и супа од моркови која е одлична за лекување дијареја. Оваа супа делува така што формираните олигосахариди од супата со моркови делуваат врз патогените бактерии и го спречуваат оштетувањето на цревната слузокожа.
Потребно состојки:
1 кг морков
1 прстофат сол
2 литри вода
Начин на приготвување: Морковите се чистат убаво и се сечат на помали парчиња. Се ставаат во тенџере и се преливаат со вода. Се посолуваат со неколку зрна сол и се ставаат на оган да се готват на тивко, односно се додека не се преполови течноста. Потоа со миксер се блендираат за да се добие крем-супа.
