Важно е да се прави разлика меѓу вистинската храна која влијае на специфичен начин на здравјето и т.н. функционална храна и нејзините одделни компоненти кои се среќаваат во форма на таблети или концентрати кои се всушност суплементите (додаток во исхраната).

Сигурно се прашувате зошто е неопходно да консумираме некоја супстанција во облик на апче или концентрат штом можеме едноставно да го вклучиме во исхраната тој продукт во доволна количина. Поради дозата! Многу е тешко да се пресмета количината на суплементот што се содржи во храната, додека додатокот на исхрана е точно се знае што е.

Кои се најважните суплементи?

Карнитин –  се синтетизира од црниот дроб и се содржи најмногу во црвеното месо. Важен е за метаболизмот на мастите и за производството на енергија. Затоа е еден од најкористените суплементи при спортувањето бидејќи ја зголемува издржливоста и помага во заздравувањето по физичката активност.

Глукозамин – се наоѓа во многу ткива на телото, особено во ‘рскавицата и во тетивите. Ова е соединение кое нашиот организам мора да го синтетизира, бидејќи обично не е содржан во храната. Со возраста нивото на глукозамин произведен од телото се намалува и ‘рскавицата се оштетува. Затоа, пропишувањето на глукозамин може да биде корисно во борба против артритисот и успорувањето на дегенерацијата на зглобната ‘рскавица.

Октакозанол – содржан е во маслото од пченицата и во горниот слој на листовите и плодовите на многу растенија, но при подготовката на храната вообично исчезнува. Затоа е редок во храната и се препорачува да се земе како додаток во исхраната. Во принцип, се дава за подобрување на спортски достигнувања, но не постојат научни докази за ова својство. Неговиот корисен ефект при патологија, преку студија бил докажан кај покачениот холестерол во крвта и спречување на тромбозата.

Проантоцианиди – подгрупа на биофлавоноидите кои се содржани во многу овошја и зеленчук, како што се јаболка, малини, боровинки и грозје. Црвеното вино е исто така богато со овие супстанции, па затоа се препорачува консумирање една чаша вино дневно. Проантоцианидите се многу моќни во неутрализирањето на познатите слободните радикали, а според некои студии, тие го стимулираат растот на косата, ја смируваат кашлицата и се добар природен засладувач.

Ликопен – силен антиоксидант кој е претежно присутен во доматите, како и во лубеницата, црвениот грејпфрут, папајата. Дефицитот на ликопен е тесно поврзан со некои често среќавани канцери, како што е туморот на простата. Според други студии, може да биде корисен за превенција на кардиоваскуларни болести и за одржување на добри функционални способности кај повозрасните лица.

Линолеична киселина – важна незаситена масна киселина позната како омега-3. Се содржи во лененото семе и масло. Многу е корисна за заштита на срцето и коронарните крвни садови.

Мелатонин – се дели од епифизата со основна функција на регулирање на циклусите на спиење. Неговата важност за справување со временската разлика веќе е докажана, но нејзината примена во третманот на несоница е исто така интересна. Последните студии, исто така, го испитуваат неговиот ефект како антиоксидант и како додаток при превенцијата на тумори.

Лутеин – каротеноид кој се наоѓа во централниот дел на ретината на човечкото око и е одговорен за острината на видот. Се содржи во жолтото овошје, зелениот зеленчук и јајцата. Има силен антиоксидативен ефект. Бидејќи не се синтетизира директно од телото, треба да се зема со храна или добро е да се земе 6мг. од него како додаток во исхраната.

Имајте на ум дека додека иако суплементите се сосема природни и имаат помали контраиндикации, постои ризик од предозирање. Затоа, препорачливо е да ги консумирате по консултација со специјалист.