Хлорофилот е пигмент кој на растенијата им дава зелена боја и учествува во процесот на фотосинтеза, за време на кој билката ја претвора сончевата светлина во енергија, јаглероден диоксид и вода, притоа создавајќи кислород и глукоза, кои се од суштинско значење за живот на растенијата.
Хлорофилот има слична молекуларна структура како и хемоглобинот од крвта – супстанца што ја прави крвта црвена и која е одговорна за пренос на кислород во нашето тело, со една мала разлика. Во хемоглобинот, централен атом е железото, додека во хлорофилот тоа е магнезиум. Кога внесуваме хлорофил, тој ја извршува работата на хемоглобинот. Молекулите на хлорофилот помагаат во повторна изградба и обновување на црвените крвни клетки и многу брзо ја зголемуваат нашата енергија и здравје. Природниот хлорофил има моќ да го регенерира нашето тело на молекуларно и клеточно ниво.
Хлорофилот ја подобрува ефикасноста на пренос на кислород до сите клетки на нашето тело, поради што луѓето кои консумираат пијалаци богати со хлорофил имаат повеќе енергија и подобрување на општата состојба
Хлорофилот е моќен антиоксидант, кој штити од малигни болести, бидејќи ја намалува способноста на врзување на канцерогени супстанции за ДНК во црниот дроб и другите органи. Хлорофилот содржи активна супстанца хлорофилин, која се смета за најсилно природно средство за заштита на клетките од мутации.
Имено, хлорофилот има антисептичко и антиинфламаторно дејство, го регулира варењето и е богат извор на магнезиум, витамин К, витамин Ц, фолна киселина, железо, калциум и протеини, го алкализира организмот и го спречува развојот на бактерии, габи, вируси и паразити.
Хлорофилот во изобилство може да се најде во зелениот суровиот зелен лиснат зеленчук, поради што овие намирници би требало да бидат вклучени во секојдневната што е можно повеќе. Најдобар начин е да се консумираат во форма на свежо цедени сокови или салати.
