Ако и вам многу често ви се случува импулсивно да изедете цело чоколадо или да се прејадете толку за да не се чувствувате добро, можеби е време да се запознаете со поимот “mindful eating”, кој станува се поголем тренд во западните земји. Постојат толку правила кога во прашање е храната, што понекогаш е невозможно да се придржувате на нив. На пример, не јадете јаглехидрати навечер, избегнувајте мрсна храна, чоколадото е лошо за формата на телото, додека за срцето е добро, и така во недоглед. Замислете дека сите тие правила можете едноставно да ги отфрлите и да уживате во храната. Дали би се обиделе?
Поимот „свесна исхрана„ би можел да биде токму она што ви е потребно. Станува збор за начинот на живот, односно стратегија ккоја овозможува да развиеме пофлексибилен однос кон храната која ја внесуваме во организмот. Поточно, се работи за поздрав пристап кон исхраната која нема да ни предизвикува непотребна количина на стрес.
Интуитивна исхрана се базира на тоа како јадеме, наместо на она што јадеме и не учи како правилно да ги препознаеме сигналите на телото, како вистинското чувство за глад или ситост. Колку пати сте се нашле во ситуација да без никаква контрола изедете едно чоколадо, а потоа да не се чувствувате ни малку среќни?
Ако се приклоните кон интуитивната исхрана, таквите ситуации може да се избегнат. Ако почнете да размислувате малку повеќе, нема да ви се случи да се прејадете. Звучи одлично, но како тоа да се спроведе во пракса? За почеток, размилете дали сигурно сте гладни, чувствувате дека желудникот ви е празен, или посегнувате по храна од навика или досада? Доволно е минута-две да размислите за тоа и да ја смените одлуката. Многу е важно да научите да препознавате дали станува збор за глад или жед. Не е лошо да испиете чаша вода кога ќе почувствувате глад.
Околината е многу важен фактор при секој оброк. Колку е можно, јадете во мир, без да ви пречат мобилниот телефон или лаптопот. Не јадете на работното место, покрај телевизор, во автобус или додека завршувате некои работи низ градот. Звучи банално, но премалку важност се придава на тоа како и каде јадете.
Понатаму, повеќе треба да внимавате и на самата храна. Малку подобро загледајте се во бојата, текстурата и формата на храната што ја јадете. Почувствувајте ги мирисите. Дали храната е солена, блага, или зачинета? Дали е крцкава или мека? На овој начин ќе добиете нова димензија на оброкот и храната ќе ја доживеете на начин на кој не сте навикнати и затоа ќе ја цените повеќе.
На крај, размислите за тоа колку брзо јадете? За квалитетен оброк треба да се издвојат 20-тина минути, што понекогаш ни се чини невозможно. Подобро е да го одложите за подоцна, отколку да го изедете оброкот за само неколку минути. Одвојте време за на мир да уживате во храната.
