Црниот или “’ржаниот леб е многу популарен меѓу луѓето кои се грижат за своето здравје и практикуваат правилна исхрана. Таквиот леб би требало да се произведува од цело пченично или ‘ржано зрно, за да ги задржи сите важни нутритивни состојки.
Тајната на црниот леб е неговото богатство со влакна, витамини Б и Е, селен, железо, магнезиум, цинк и други вредни хемиски соединенија. Во помали количини дава изразено чувство на ситост, па затоа стручњаците го препорачуваат како предјадење за отстранување на нервозата поради глад. Исто така, црниот леб подобро го задржува вкусот, мирисот и може повеќе да стои без да се стврдне. Црниот леб има многу помалку лош холестерол отколку белиот, па им се препорачува на срцевите болни, а влакната допринесуваат за ниско ниво на шеќер во крвта.
Многу е важно при купување да знаете да препознаете дали навистина црниот или интегралниот леб се навистина црни, односно дали е произведен од цело зрно или е само додадена боја.
Некои пекари велат дека во лебот, за да се добие црната боја, се додава кафе, какао, вештачка боја од црвено вино. Ниту ‘ржаниот леб не е навистина таков. За ‘ржан леб може да се каже дека е вистински само ако има најмалку 30% ‘ржано брашно.
Кај ‘ржаното тесто, квалитетот на глутен е лош (што е здраво), па затоа при печење доаѓа до пукање на лебот, што оневозможува водата да испари од тестото. Резултат на ова е збиената структура на вистинскиот ‘ржан леб.
Кај пченичното тесто квалитетот на глутен е значително подобар. Резултат е растресената структура, што треба да се избегнува, особено оние кои се болни или чувствителни на глутен.
Како да дознаете дали сте купиле вистински црн леб
- Ставете во вода парче од средината на лебот. Ако лебот побели, а водата потемни, значи дека е обоен.
- Црниот леб е тврд, збиен и има поголема влажност отколку белиот
- Црниот леб не може да биде прозрачен и еластичен
- Средината на црниот леб има подлабоки пори и помал капацитет
- Црниот леб понаку мириса од белиот
