Тестот за бременост не е безгрешен!

Во зависност од произведувачот и строгото придржување до упатството, тестовите за бременост гарантираат точност од 95-97%.

Повеќето жени прв пат дознаваат дека се во блажена состојба со помош на тест ленти. Еве во кои факти за нивното користење не треба да верувате…

Мит 1: Тестот за бременост може да покаже резултати веднаш по зачнувањето

Во зависност од произведувачот и строгото придржување до упатството, тестовите за бременост гарантираат точност од 95-97%. Но тие не можат да ви ја кажат убавата вест ведаш по зачнувањето: гинеколозите велат дека може да потрае и до 5 до 7 дена да се имплантира оплоденото јајце во матката, после што почнува производството на HCG хормонот, што е показател за успешно зачнување. Оптималното време за првиот тест за бременост е 14 дена. Од иста причина не би требало да донесувате избрзани заклучоци ако побрзате и го направите тестот однапред.

Мит 2: Ништо не може да влијае на ефикасноста на тестот дома

Произведувачите на тест-ленти велат дека вежбите, стресот, храната, па дури и лошите навики не можат да предизвикаат неточни резултати и ним може да им се верува, но тоа не значи дека други фактори не можат да влијаат на точноста на тестот. Некои методи на лекување на неплодноста, хормонски пореметувања, абортуси можат да предизвикаат слика на лажно позитивен резултат. Лажно негативен, од друга страна, зборува за спротивна – ектопична бременост или закана за абортус. Причината за таквата грешка е повторно во нивото на hCG: тој нормално расте на секои два дена, но внесот на одредени лекови или нерамнотежа на хормоните во организмот може да го поремети овој процес.

Мит 3: Тестот за бременост е во состојба да покаже дали ќе родите момченце или девојче

Некои произведувачи наведуваат дека тестот е способен да покаже и дали ќе родите момченце или девојче и ова се главно маркетиншки трикови. Нивото на HCG се зголемува со развојот на фетусот без оглед дали носите момче или девојче. Само ултразвукот обавен во најмалку 16-20 седмица ќе ви каже од кој пол ќе биде вашето бебе.