Топло чоколадо: Рецепт за напиток кој ќе ги растера сивите утрински облаци

Причини за шолја топло чоколадо има многу, како и рецепти во кои се користат додатоци како цимет, чили или ѓумбир, за да се подобри вкусот и лековитите својства на овој напиток.

Омилениот напиток во есенските и зимските денови за многумина е топлото чоколадо, а освен задоволството за непцата, неколку голтки од овој пијалок ќе му обзебедат заштита на кардиоваскуларниот систем, ќе ја ублажите кашлицата и ќе ги смири желудочните тегоби. Причини за шолја топло чоколадо има многу, како и рецепти во кои се користат додатоци како цимет, чили или ѓумбир, за да се подобри вкусот и лековитите својства на овој напиток.


Состојки за топло чоколадо:

  • 150гр чоколадо со 60% какао
  • 200мл полномасно млеко
  • 200мл слатка павлака
  • Една мала лажица кафеав шеќер
  • Прстофат сол
  • По желба малку цимет

Подготовка: Чоколадото исецкајте го на ситни парченца. Млекото и павлаката ставете ги во соодветен сад и варете ги на тивок оган. Штом смесата проврие, прелијте ја преку исецканото чоколадо и мешајте додека не добиете густа кремаста смеса.  На крајот додадете прстофат сол, кој ќе го засилли вкусот на чоколадото и малку цимет по желба.

Совет: Наместо цимет во топлото чоколадо изрендајте малку мускатно оревче, свеж ѓумбир или чили во прав.