Трансплантацијата на матични клетки би можела да помогне во зачувување, па дури и враќање на видот кај лица со сува макуларна дегенерација, покажала новата студија. Експерименталната терапија со матични клетки применета на задниот ѕид на окото помогнала во замена на клетките кои биле уништени поради макуларна дегенерација.
Губењето на видот бил успешно запрен кај четири од првите пет пациенти, кои биле лекувани со матични клетки, додека кај петтиот пациент било забележано дури и подобрување на видот.
Во моментов не постои лек за третман на сува форма на макуларна дегенерација, која опфаќа 80 до 90 проценти од сите случаи на сенилна макуларна дегенерација.
Сенилна макуларна дегенерација е водечка причина за тешко оштетување на видот кај возрасните лица над 65 години
Исто така, треба да се напомене дека кај пациентите на кои им била извршена трансплантација, не биле забележани сериозни несакани ефекти, пренесува „Science Translational Medicine“.
