Три ментални трикови за подобра меморија

Постојат едноставни техники кои ќе ви помогнат да го изговорите она што ви е на „врвот на јазикот“

Кога ќе влезете во средна доба сосема е нормално да се најдете во ситуација да не можете да се сетите што сте сакале да кажете. Но, за среќа, постојат техники кои ќе ви помогнат да го изговорите она што ви е на „врвот на јазикот“, а нив ги открива д-р Гери Смол, кој верува дека нашите сеќавања „живеат во посебни оддели во мозокот“. На пример, ако не можете да се сетите на името на авторот, обидете се да размислите за други книги од истиот автор бидејќи „соседната“ меморија може да го активира она што го барате.

Листа на намирници

Создадете ментална слика која поврзува сè заедно. На пример, ако ви требаат јајца, тесто и брокула, визуелизирајте како скршеното јајце паѓа врз тестото завиткано околу брокулата.

Ако не можете да се сетите на името на авторот, обидете се да размислите за други книги од истиот автор

Дневен план

За да ја зголемите меморијата, секое утро направете преглед на денот во исто време и на исто место, на пример, додека пиете кафе. Бидете колку што е можно подетални: дали тој ден ви треба некој важен документ, облека за тренинг и сл. Подгответе ги овие работи да ви бидат при рака. За неколку дена ова ќе ви премине во навика.

Помнење на имиња

Мозокот кој старее е помалку способен да се концентрира во збунувачка околина, вели д-р Смол. Затоа обидете се со техника на фокусирање и поставување на работите во рамки. Кога се запознавате со некого, фокусирајте се и создадете незаборавна ментална слика, на пример, како Горан пие кафе или Дамјан држи кученце во рацете. „Повеќето луѓе со проблеми во меморијата имаат тешкотии да се сетат на имињата. Но, ако се потрудите да им дадете некое значење ќе можете и да ги запомните“, вели докторот.