Удирањето на топката со глава има поизразен негативен ефект врз мозокот кај фудбалерките, отколку кај мажите кои играат фудбал, објавиле истражувачите од „Albert Einstein College of Medicine“ во Њујорк.
Анализата на податоците собрани од 49 жени и 49 мажи покажала дека удирањето на фудбалската топка со глава кај жените е поврзано со петкратно поголеми оштетувања на белата маса.
Луѓето вклучени во истражувањето биле на возраст од 18 до 50 години, а во изминатата година ја удирале топката со глава во просек од 450 до 500 пати
Се проценува дека фудбал играат околу 30 милиони девојки и жени, пишува стручниот магазин „Radiology“.
Научниците веруваат дека добиените резултати може да се објаснат со разликите во силата на вратот кај жените и мажите и последиците од дејствувањето на половите хормони.
