Умереното консумирање алкохол го зголемува ризикот од хипертензија

Се смета дека овие резултати ќе бидат пресвртница за клиничката пракса, како и за идни истражувања, едукација и јавноздравствена политика врзана со консумирањето алкохол.

Американско истражување спроведено од 17.000 возрасни лица покажало дека умереното консумирање алкохол, 7 до 13 пијалаци неделно, значајно го зголемува ризикот од развој на висок крвен притисок или хипертензија.

Овие резултати се во спротивност со некои претходни студии кои го поврзувале умереното пиење алкохол со помал ризик од некои форми на срцеви болести.

Хипертензијата е водечки ризик фактор за срцев удар и мозочен удар.

Се смета дека овие резултати ќе бидат пресвртница за клиничката пракса, како и за идни истражувања, едукација и јавноздравствена политика врзана со консумирањето алкохол.

Исто така, се смета дека влијанието на алкохолот на крвниот притисок произлегува од различни ризик фактори. Имено, алкохолот го зголемува апетитот, го зголемува вкупниот внес на калории, а неговата активност во мозокот и во црниот дроб, може да придонесат за зголемување на крвниот притисок.