Урдата претставува извор на аминокиселини, на витамините А, Б и Ц, како и на протеини и фолна киселина. Содржи омега-3 и омега-6 незаситени масни киселини. Нивниот сооднос зависи од тоа дали станува збор за обезмастена, полумасна или полномасна урда.
Урдата го подобрува варењето на храната и затоа е одлична идејата да се вклучи во диететскиот режим. Урдата ги апсорбира маснотиите што влегуваат во организмот од другата храна што се консумира и на тој начин спречува тие да се таложат. Нутриционистите задолжително ја вклучуваат во диетите, бидејќи е богата со калциум што го спречува телото да произведува кортизол. Дисбалансот на кортизол во организмот е одговорен за дебелеењето и високото ниво на лошиот холестерол во крвта. Можете да ја вклучите урдата во два оброка на дневното мени. Може да ја консумирате за појадок, така што во неа ќе додадете свежо или суво овошје, а за вечера можете да намачкате урда на некој солен бисквит или двопек. Урдата може да ви послужи и како меѓуоброк.
Здравствени придобивки
- Редовното консумирање урда помага во справување со болестите на срцето и високиот крвен притисок.
- Урдата е замена за млекото кај лицата кои се интолерантни кон лактоза. Лактоза од млеко во урдата се трансформира во лактозна киселина, која е многу полесна за варење во организмот.
- Помага за зголемување на имунитетот. Тоа помага во борбата против некои микроорганизми и бактерии во телото. Корисна е и за жените особено за оние кои страдаат од габични инфекции во интимната област.
