Уште една причина зошто е важно децата да пијат млеко

Децата со прекумерна тежина кои консумираат најмалку 2 шолји кравјо млеко дневно имаат подобра контрола на шеќерот во крвта во однос на прекумерно тешките врсници кои не консумираат (доволно) млеко

Децата со прекумерна тежина кои консумираат најмалку 2 шолји кравјо млеко дневно, според резултатите на истражувачите на Универзитетот Тексас во Хјустон, имаат подобра контрола на шеќерот во крвта во однос на прекумерно тешките врсници кои не консумираат (доволно) млеко.

Во двегодишното истражување биле вклучени 353 прекумерно тешки деца на возраст од 3 до 18 години, со просечна возраст од 11,3 години, од кои повеќето биле момчиња. На децата во рамки на истражувањето им биле мерени следните параметри: инсулин во серум, дневен внес на млеко, гликоза во крвта и инсулинска осетливост.

Резултатите покажале дека (само) секое 10 дете консумирало млеко во препорачаната дневна количина (2-3 шолји), а помала консумација била забележана кај девојчињата во споредба со момчињата

Дополнително, кај децата со прекумерна тежина кои консумирале помалку од 1 шолја млеко дневно, била пронајдена значително поголема концентрација на серумски инсулин во однос на врсниците со вишок килограми, кои пиеле повеќе од 2 шолји млеко дневно.

Внесувањето и типот на млеко немале влијание врз гликозата во крвта и липидниот профил.

Со цел превенција на метаболички синдром и дијабетес тип 2 кај прекумерно тешките деца и адолесценти, научниците апелираат на консумација на млеко во препорачаните дневни количини.