Утврдено влијанието на цревните бактерии врз успешноста на диетите

Стручниот магазин „ Mayo Clinic Proceedings“ пишува дека лицата кои во цревата имале повеќе Phascolarctobacterium, во најголем број на случаи успевале со диета да ја намалат телесната тежина за повеќе од 5 %

Истражувањето спроведено во САД на Клиниката Мајо покажало дека составот на цревната флора може да влијае на шансите за успех на обидите за намалување на прекумерната телесна тежина.

Како што пишува стручниот магазин „Mayo Clinic Proceedings“, лицата кои во цревата имале повеќе Phascolarctobacterium, во најголем број на случаи успевале со диета да ја намалат телесната тежина за повеќе од 5 %.

Од друга страна, поизразеното присуство на бактеријата Dialister било поврзана со намалувањето на изгледите за успехот на диетата.

Научниците објаснуваат дека бактериите може да ги искористат деловите на храна кои луѓето не можат да ги сварат, и за време на тој процес позади себе да остават нуспроизводи, кои на луѓето можат да им послужат како извор на калории.

Поизразеното присуство на бактеријата Dialister било поврзана со намалувањето на изгледите за успехот на диетата

Се проценува дека овие нуспроизводи се извор на 5-15 % од вкупната потрошувачка на калории кај повеќето луѓе. Некои бактерии се поефикасни во создавање на дополнителни извори на калории и со тоа ги намалуваат шансите за успешна борба против вишокот на килограми. Резултатите биле добиени на примерок од 26 испитаници.