Нова студија на американскиот Центар за контрола и превенција на болести (ЦДЦ) открива дека лицата кои биле невакцинирани и неодамна имале КОВИД-19 инфекција, имале 5,5 пати поголема веројатност дека ќе заболат од КОВИД-19 од лица кои неодамна биле комплетно вакцинирани против коронавирус и немале претходна КОВИД-19 инфекција.
Истражувањето се темели на податоци собрани од 187 болници во девет американски сојузни држави од јануари до септември 2021 година.
Се смета дека овие податоци покажуваат дека вакцинацијата против КОВИД-19 може да обезбеди повисоко, поцврсто и подоследно ниво на имунитет за заштита од хоспитализација поради КОВИД-19 отколку самата инфекција во текот на најмалку 6 месеци.
Исто така, ова истражување нуди дополнителни докази кои ја потврдуваат важноста од вакцинација против КОВИД-19, дури и ако некој претходно имал КОВИД-19 инфекција.
Според мислењето на стручњаците, најдобар начин да се стопира КОВИД-19, вклучувајќи и појава на аројанти на вирусот, е широко распространета вакцинација против КОВИД-19 и мерки на превенција на болеста, како што се носење маска, често миење на раце, физичка дистанца и останување дома кога сте болни.
