ВАЖЕН СОВЕТ ЗА РОДИТЕЛИТЕ: Зошто четригодишните деца не смеат да јадат пуканки

Иако пуканките сите ги обожаваат, сепак избегнувајте да ги давате на дете помало од четири години.

Пуканките се омилен меѓуоброк и на децата и на возрасните, а нивната крцкава текстура и можноста за создавање на различни вкусови, ги прават совршен избор за секоја прилика. Иако овој меѓуоброк може да изгледа безопасно, па дури и здраво, може да биде опасен за деца помали од четири години.

Иако многу родители се свесни за опасностите од гушење со батерии или мали ситни играчки, вообичаените опасности поврзани со храната, на многу мајки и татковци и натаму им се непознати.

Според стручњаците, децата помали од четири години имаат поголем ризик од гушење, од пуканки, оти дури на возраст од 4 години децата комплетно може да ја џвакаат храната што ја јадат на правилен начин. Тоа се случува бидејќи на оваа возраст избиваат и вештините за џвакање се доволно добри за да ја разградат храната на помали парчиња пред да ја голтнат.

Покрај тоа, многу е лесно, со работи што се случуваат околу нив,  да се одвлече вниманието на помалите деца, што исто така го зголемува ризикот од задушување. Затоа секогаш треба да им се помага кога јадат. Одење, трчање, смеење или зборување додека јадате, како и пребрзо јадење, исто така може да доведе до задушување.