На секој човек му се неопходни протеини, па ова правило важи и за вегетаријанците. Според некои студии, препорачаната дневна доза на протеини изнесува околу еден грам на секој килограм од телесната тежина.
Познато е дека протеините ги има во месото, млекото и други производи од животинско потекло. Меѓутоа, протеини има и во одредени намирници од растително потекло. Тоа е многу важна и неопходна исхрана за вегетаријанците. Еве неколку производи богати со протеини.
Соја – Оваа билка е богата со протеини, па затоа е неопходна во исхраната на вегетаријанците. Една шолја соја содржи дури 28 грама протеини. Исто колку и 100 грама месо.
Тофу – Сирење од соја познато под името тофу, е исто така добра замена за месо. Може да се користи на разни начини, а 100 грама содржи околу 8 грама белковини. Освен тоа, тофу содржи и високо ниво на железо и на магнезиум.
Мешунки – Грашок, леќа, грав, кикиритки и други мешунки во себе содржат завидна количина на протеини во споредба со други растенија. Конзервираните мешунки имаат понизок процент на протеини за разлика од свежите.
Путер од кикиритки – Путерот од кикиритки е уште еден одличен вегетаријански извор на протеини, бидејќи во само една лажица од овој намаз има дури 4 грама протеини.
Бадеми – Еден бадем содржи околу 0,25 грама белковини. Значи, 10 бадеми пружаат околу 2,5 грама протеини. Во недостаток на бадеми, може да ги замените со други јаткасти плодови.
Авокадо – Едно авокадо во себе има околу 3 грама протеини. Ова овошје е совршено и лесно се вклопува во многу вегетаријански јадења, бидејќи може да се јаде и со зеленчук.
Сув квасец – Од сите состојки кои може да се најдат во сувиот квасец, дури 55 % се квалитетни протеини.
Зелен зеленчук – Овој зеленчук не содржи толку голема количина на протеини како и горенаведените продукти, но не треба да ги занемарите, бидејќи сепак зеленчукот е основен вегетаријански извор на протеини. На пример, една шолја зелка, спанаќ, брокула…, содржи околу 5 грама протеини.
Интегрални житарки – За вегетаријански се препорачуваат оброци кои содржат комбинации од зеленчук и интегрални житарки, бидејќи во нив се наоѓа одредена количина на вредни протеини. На тој начин ќе се обебезбеди внес на потребните есенцијални аминокиселини со еден оброк.
