Ви се оди во тоалет, а ве мрзи да станете па се стегате? Еве каква штета си нанесувате!

Очајно ви се оди по мала нужда, но ве мрзи да отидете до тоалет? Сигурно некогаш некој ви рекол дека така може да ви пукне мочниот меур, а ова се всушност последиците кои може да ви се случат.

Одложувањето на одење по мала нужда се случува од бројни причини – некогаш едноставно немаме можност за тоа, некогаш мислиме дека може да издржиме уште малку, а некогаш едноставно станува збор за мрза.

„Во одредена мера, одложувањето мала нужда може да биде дури и поволно за вежбање на мускулите на карлицата“, објаснуваат лекарите, но нагласуваат дека тоа секако важи за случаи кога станува збор за кратко и ретко одложување. Но, ако станува збор за постојана навика, тогаш последиците може да бидат катастрофални.

 “Ако се задржува урината секојдневно, веројатно лицето ќе почувствува некои штетни последици. На пример, долготрајното стоење на урината предизвикува претерано множење на бактериите. Исто така, проблем се и уринарните патишта кои водат кон бубрезите. Во нив често може да се најде молекул на песок кој, доколку се одложи одењето во тоалет, за себе ќе ги врзе бактериите и ќе предизвика проблем“,велат лекарите.  

Ова е најчестата и најверојатна компликација која може да се појави.

Што е однесува до митот за слабеење на мускулите и слабеење на мочниот меур, тоа не е вистина, велат стручњаците, бидејќи за слабеењето на овој орган влијаат хроничните болести, а не механичкото задржување на урината. Пукањето на мочниот меур, исто така е неверојатно сценарио, бидејќи до пукање доаѓа, исто така, во случаи на болести, кога се запушени уринарните канали.