Заморот во овој период не е ретка појава, а се јавува како последица на ослабениот организам и послабата консумација на здрави свежи продукти. Недостатокот на витамин Ц во организмот неповолно влијае на искористеноста на кислородот во клетките, па доаѓа до паѓање на концентрацијата, често зевање и маласканост. Тогаш може да дојде до нарушување на крвната слика, а ова пореметување се манифестира низ поспаност, летаргија, недостаток на енергија и тромавост на целото тело. Во тој случај неопходно е внесување на железо.
Витамините во тегла се препорачуваат за замор, опоравување по долга болест, за лицата кои работат тешка физичка работа, лицата на кои им е извадена слезинката, како и на оние, кои од кои било причини, имаат слаб имунитет.
За подготовка на витамини во тегла потребни се следните намирници во свеж облик: 4 парчиња цвекло, 4 моркови, 3 јаболка, 1 целер, 1 цел лимон, сок од два лимона и 6 лажици мед.
Подготовка: Цвеклото, јаболката, морковот и целерот излупете ги, лимонот добро измијте го и сите состојки изрендајте ги. Додадете ги сокот од лимонот и медот. Измешајте и ставете ја смесата во тегли и чувајте на ладно место, најдобро во фрижидер.
