Гихт се развива најчесто заради дебелина или пречеста консумација на месо и месни преработки и алкохол. Кога клетките ги исфрлаат отпадните материи, вклучително и мочната киселина, тие преку бубрезите се исфрлаат во вид на урина. Но, кога во телото ќе се соберат преголеми количини мочна киселина или кога е отежната нејзината елиминација низ бубрезите, тогаш се јавува состојбата на зголемена мочна киселина во телото. Доколку трае подолго, кристалите од киселината се таложат на зглобовите и предизвикуваат гихт, воспаление на зголобовите или отоци.
Во овие случаи нутриционистите предлагаат комплетна промена на исхраната и воведување намирници кои ќе ги ублажат симптомите. Се препорачува исхрана богата со свежо овошје и зеленчук, тестенини, ориз и компир. Важно е да се внесуваат до три литри течности на ден.
За надминување на симптомите на гихт, особено се корисни чаевите од коприва, камилица, глуварче, коњски опаш или кора од врба кои ќе ја поттикнат работата на бубрезите и ќе го подобрат излачувањето на урината.
Особено е важено внесувањето на витамин Ц. Мажите кои дневно внесуваат 1500 мг витамин Ц имаат 45 отсто помал ризик за појава на гихт, а слични се резултатите и кај жените.
