Живееме брзо и немаме баш многу време да се храниме здраво. Сето тоа влијае на крвната слика и севкупната состојба на организмот. Со помош на неколку намирници ќе направите витаминска бомба која е проверено добар лек за зголемување на хемоглобинот, за поткревање на нивото на црвените крвни зрнца и подобрување на општата крвна слика.
Се што ви е потребно за приготвување на овој напиток е:
- 200 мл мед
- 200 г ореви
- 200 г суво грозје
- 200 мл сок од морков
- 200 мл сок од цвекло
- 2 лимона
Начин на приготвување: Измијте ги лимоните. Исечете ги на половина, извадете ги семките и измелете ги сосе кората (ако се прскани излупете ги), па ставете ги во некоја стаклена тегла од 1 литар. Во мелениот лимон додадете мед, цедениот сок од цвекло и моркови и се убаво измешајте. Во смесата додадете ситно сечкани или мелени ореви и суво грозје. И повторно се измешајте. Ќе добиете околу 1 кг вкусна и мошне здрава лековита смеса. Чувајте ја во стаклена тегла во фрижидер. Земајте по три пати на ден по 1 лажица пред јадење.
