Изобилството на јагоди кое го имаме во овој период е идеална прилика за почесто консумирање на ова атрактивно овошје, кое во комбинација со чоколадо станува неодоливо. Ем здраво ем вкусно, ретко кој може да одолее на овој десерт.
Потребни состојки:
- 500 г покрупни јагоди
- 100 г темно чоколадо
- 50 г бело чоколадо
- малку путер или масло
- По желба: кокосово брашно, мелени ореви или лешници и чоколадни трошки
Подготовка:
- Јагодите добро измијте ги и заедно со зелениот дел оставете ги да се исцедат на хартија или салфетка.
- На пареа во сад растопете го темното чоколадо со малку путер или масло. Оставете да се олади, но не дозволувате премногу да се згусне.
- Јагодите се држат за зелениот дел и се потопуваат во растопеното чоколадо. Исцедете, па наредете ги на хартија за печење. Ако сакате може да ги извалкате и во мелени ореви, кокосово брашно или чоколадни трошки. Оставете да се оладат и стврднат.
- На истиот начин како што го растопивте темното чоколадо, растопете го и белото. Со така стопеното бело чоколадо, со помош на лажичка, прошарајте врз јагодите, кои на тој начин ќе изгледаат подекоративно.
