Внесувајте храна богата со витамин Е и заборавете на болната менструација

Витаминот Е е витамин кој ги ублажува менструалните тегоби

За позитивните ефекти на витаминот Е кога е во прашање болната менструација зборувано е многу, но едно поново истражување укажало на тоа дека овој витамин би можел да помогне и кај други ментруални тегоби.

Имено, студија од 2009 година покажала дека витаминот Е може да спречи појава на мигрена пред или за време на менструација. Во ова истражување учествувале 72 жени кои боледувале од менструални мигрени. Најпрво земале плацебо (кој изгледал како капсула витамин Е), во траење од 5 дена (2 дена пред циклусот и во текот на првите 3 дена од менструацијата) два месеца по ред. Потоа во период од еден месец не се земаат суплементи за потоа во текот на 2 месеци, повторно 5 дена земале по каспула од 400 IU витамин Е. Се покажало дека во споредба со плацебото, витаминот Е поефикасно ја ублажува јачината на главоболката, како и дека ги смирува симптомите на мигрена како што се мачнина и чувствителност на светло и звуци.

Кога станува збор за намирниците богати со овој витамин, тука најпрво ќе ги споменеме семките од сончоглед, бадемите, кикиритките, лешниците, како и растителните масла како што е маслото од пченични никулци, сусам и сончоглед. Добри извори на витамин Е се и авокадото, зелениот листест зеленчук како што е спанаќот, и јајцата. Препорачаната дневна доза на витамин Е изнесува 15 мг за возрасни, додека максималната доза е 1000 мг (1500 IU) дневно.