Постојат три извори на шеќер, односно јаглехидрати со висок гликемиски индекс, кои можат да го зголемат нивото на шеќер во вашата крв. Најлошо од се е тоа што не се сите толку очигледни затоа може лесно да се случи да претерате со нивната консумација.
Пченка
Веројатно, веќе помисливте: „Но пченката е зеленчук!“ што всушност не е точно со оглед на тоа дека е житарка. Таа се претвора во шеќер уште во вашата уста и полека, но сигурно тргнува кон вашиот кардиоваскуларен систем. Место јадења со пченка подобро користете црн грав – ќе ве наполни со влакна, но не и со шеќер.
Снегулки од житарки
Нутриционистите често ја нагласуваат важноста на влакната, но тие, за жал, можат да дојдат во варијанти кои не се здрави. На пример, може да се полни со глутен. Генерално, содржат повеќе глутен и скроб кои можат да предизвикаат пораст на шеќерот во крвта, затоа изборот правете го внимателно.
Ако сакате да ја задоволите потребата на организмот за влакна, а истовремено да го одржите стабилно нивото на шеќер во крвта, обидете се во својата исхрана да вклучите квиноја како поздрава алтернатива.
Помфрит
Постојат многу причини заради кои би требало да ја скокнете следната порција помфрит, но, веројатно, не ви паднало на памет во листата да го додадете и шеќерот.
Компирите имаат највисок гликемиски индекс од сите намирници во категоријата зеленчук, затоа што јаглехидратите кои ги содржат се претвораат во шеќери и мошне брзо се апсорбираат во вашиот крвоток. Најдобар начин тоа да го избегнете, се разбира, е замената на компирите со некоја поздрава намирница.
