Ако сакате да јадете вкусна и здрава храна, купувајте ја во моментот на најголема зрелост, односно во сезона. Иако зимата е на прагот, и понатаму има овошје и зеленчук кое изобилува со хранливи материи, и кое е особено добро да се консумира во овој период од годината.
Мандарини
На пазарот може да се најдат веќе во октомври и ова цитрусно овошје е преполно со витамини кои го зајакнуваат имунитетот, а најдобро е да го купувате во декември кога содржи најмногу нутритиенти. Мандарините се добар извор на калиум, го намалуваат крвниот притисок, го урамнотежуваат ритамот на срцето и го чуваат здравјето на кардиоваскуларниот систем.
Прокељ
Овој зеленчук е на врвот на зрелоста во декември. Прокељот содржи витамини, минерали, прехранбени влакна и други корисни нутритиенти. Овој зеленчук го намалува уморот, ја зголемува енергијата, го поттикнува варењето и го јакне имунитетот.
Зелка
Во исхраната внесете што е можно повеќе зелка – по можност свежа. Зелката има антивоспалителни дејства, го чисти телото од токсини, го подобрува варењето, а помага и кај болести на дишните патишта. Најлесен начин за уживање во оваа намирница е да направите вкусна салата.
