Ако не сте љубител на вода, може да си олесните, така што ќе и го додадете омиленото овошје за арома. Можеби ќе ве интересира и фактот дека оние луѓе кои пијат по осум чаши дневно имаат побрз метаблизам од оние кои пијат помалку. Со тоа се трошат повеќе калории што резултира со подобар изглед.
За здравјето на крвта и ткивата, потребни се сите состојки од водата, вклучувајќи ги електролитите и минералните соли (натриум, калциум, магнезиум, хлор, бикарбонат, фосфат, сулфат…) Од голема важност е да се консумираат течности во за време на студените денови, за да се зајакне имунитетот и да се одржи кожата здрава.
Еве неколку предлози како водата да ја збогатите на вкус:
Вода со лимон и ѓумбир – Овој напиток има противвоспалителни својства, детоксицира, го олеснува варењето и го јакне имуниот систем.
Вода со јагоди и мента – Ако сте замрзнале јагоди, тогаш ќе може да уживате во нив и преку зимата. Вода со јагода и мента е највкусното освежување кое ќе го пробате, а исто така и ќе го зајакне имуниот систем, кој ќе се бори против напади од вируси и бактерии.
Вода со мандарина и круша – Ова се совршени намирници како додаток во обична вода. Ако не сакате, или немате круши, може во водата да ставите само мандарини и малку јаболка. Мандарините се полни со витамин Ц, а имаат малку шеќер, па не мора да се плашите од дополнителни калории. Крушата содржи калциум, магнезиум, калиум, бакар и манган. Витаминот Ц и бакарот се антиоксиданти, па крушата прави чуда за вашиот имунитет, а со оглед на тоа дека започнува сезоната на настинки и грип, не заборавајте да ја додадете во водата.
Вода со лимета – Ризикот од инфекции се зголемува со доаѓањето на студените денови. Ако сакате да останете здрави, исцедете малку сок од лимета во вода штом ќе се разбудите. Витамин Ц и антиоксидантите ќе го зајакнат имуниот систем и ќе ве штити од бактерии и вируси.
Вода со цимет и јаболко – Комбинација која го забрзува метаболизмот и има противвоспалителни својства, па се смета за идеален напиток во студените денови. Јаболките се одличен извор на влакна. Тие може да помогнат во намалувањето на холестеролот, да го контролираат шеќерот во крвта, како и да помогнат при слабеење. Дури може да спречат и одреден вид на карцином. Секако консумирајте ја и кората од јаболката за да добиете што повеќе витамин Ц. Циметот има антиоксидативни, антибактериски и антивоспалителни својства. Покрај ова, водата со цимет и јаболко може да го намали холестеролот, па и количината на телесни масти.
