Неодамнешна студија на група шведски научници покажала дека лутеинот од зелениот листест зеленчук би можел да ги ублажи воспалителните процеси кои се јавуваат кај атеросклерозата. Со истражувањето било утврдено дека клетките на имуниот систем кои се присутни во крвта го апсорбираат и складираат лутеинот.
Исто така, колку е повисоко нивото на лутеин во крвта, толку е пониско нивото на интерлукин-6, маркер на артериското воспаление.
Авторите на студијата затоа препорачуваат дневен внес на 10 мг лутеин, а со овој антиоксидант најбогати се кељот – во 100 г варен кељ има 18,5 мг лутеин; како и спанаќот – во 100 г варен спанаќ има 11,1 мг лутеин.
