За надуеност многу често е виновно и “здравото“ овошје

Вежбате и се трудите да јадете здраво, но стомакот ви е секогаш надуен? Проверете дали пролбемот е во овие, инаку здрави намирници.

Кога ќе изедете парче овошје, сте направиле нешто добро за здравјето, но некои видови овошје имаат и своја лоша страна – ферментираат во цревата поради што се создаваат гасови, а стомакот станува надуен. Овошјето содржи многу фруктоза, овошни шеќери и сорбитол – шеќерен алкохол, кој предизвикува воспаленија, надуеност и притисок во системот за варење.

Овие се пет овошки за кои се смета дека многу често може да поттикнат надуеност. Проверете како се чуствувате откако ќе изедете некоја од нив и доколку почувствувате надуеност, заменете ги со друго овошје, или намалете го нивното консумирање:

Јаболко

Кој би рекол? Сепак, ова многу здраво овошје е полно со фруктоза и затоа на некои луѓе им предизвикува надуеност. Ист ефект има и сокот од јаболко. Обидете се некое време да го исфрлите од исхраната и ќе видите дали стомакот ќе ви се намали. Ако забележите промени, во иднина намалете ја количината.

Цреши

И кај ова овошје, проблем е фруктозата, но и шеќерниот алкохол -полиол, како и самата лушпа која тешко се вари.

Авокадо

Авокадото содржи многу алкохол полиол, поради кој ова овошје подолго се вари, па така има повеќе време за ферментација во системот за варење. Ако сте навикнати на добрите маснотии од авокадото, а постојано чувствувате надуеност, заменете го понекогаш со јајца и проверете дали надуеноста ќе се намали.

Круши

Вкусните, благи круши може да помогнат во намалувањето на холестеролот, но од друга страна се полни со алкохол сорбитол, што значи дека лесно може да бидат трегер за голема и болна надуеност.

Суво овошје

Овој концетриран извор на шеќери и влакна, лесно може да предизвика надуеност. Секогаш кога може да избирате меѓу свежо и сушено овошје, изберете свежо.