Доколку имате проблеми со помнењето, концентрацијата или едноставно сакате да биде повеќе продуктивни на работа решението може да биде во шољичка чај. Чајот, освен што е незаменлив пијалок кој освежува и хидрира и помага при настинки или грип, може да допринесе и за јакнење на концентрацијата заради тоа што умерена доза на кофеин ја стимулира мозочната активност, хидратацијата овозможува добра снабденост со крв на мозокот, а некои билки ја зголемуваат циркулацијата што позитивно влијае на концентрацијата и расположението.
Црн чај
Овој чај има висока доза на кофеин, но за разлика од кафето, кофеинот во црниот чај се ослободува постапно и бавно. Со тоа се поттикнува мозочната активност, а се спречуваат наглите скокови и падови. Добро е во црниот чај да се додаде шеќер или мед, но не и млеко, бидејќи го забавува метаболизмот.
Чај од ѓумбир, жен-шен и гинко
Овие чаеви имаат својство на будење на енергијата, а жен-шенот и гинкото добро делуваат и на циркулацијата. Доколку се консумираат редовно може да ја зајакнат и концентрацијата. Добро е да се знае дека и хидратацијата позитивно делува на мозочната активност, бидејќи доколку не пиете доволно течности ќе ви биде тешко да се фокусирате, а ако сте дехидрирани ќе бидете бавни и мрзоволни.
