Ренот најчесто се користи како зачин во исхраната – одличен е за сосови, салати, зимници, или едноставно, свежо изрендан како прилог со варено или печено месо и кобасици.
Ренот е природен антибиотик со силно антибактериско делување, па во народната медицина оддамна се користи за јакнење на имунитетот, како и против кашлица, белодробни заболувања и инфекции. Сирупот од рендан рен со мед, прополис и семки од анасон се препорачува како еден од најдобрите природни сирупи за лечење на белодробните заболувања.
Ренот ја поттикнува работата на жолчката, црниот дроб, панкреасот, цревата и желудникот. Помага против болести на уринарниот трак и за камења во бубрезите, ја ублажува болката од реума и артритис, ја прочистува кожата.
Лекови против кашлање
Рецепт со оцет
- Состојки: Рен, оцет, мед
- Подготовка: Во свежо изренданиот рен додадете малку јаболков или вински оцет и малку мед, па неколку пати на ден земајте по една лажица.
Рецепт со лук и рен
- Состојки: 1 лажица свежо изрендан рен, 1 лажица исецкан лук, 5 лажици вода, 5 мали лажички мед.
- Подготовка: Промешајте ги ренот и медот, додадете ги лукот и водата и добро промешајте. Кратко варете го. Земајте по неколку лажици на ден.
