Поспаност, лошо расположение, се само некои од симптомите на привремената меланхолија која ги погодува многу луѓе кога ќе почнат дождливите и пократки есенески денови, како и кога ќе се зголемат обврските.
Консумирањето костени ќе им годи на уморните и безволни лица. Се препорачува и на оние кои сакаат да ја зајакнат мускулатурата, како и на анемичните пациенти, спортистите, па дури и на оние кои имаат проблем со запек, а сето тоа поради својата енергетска вредност.
Печениот костен има поголема енергетска вредност, поголемо количество белковини, масти и витамини и двојно поголемо количество јаглехидрати. Исто така, содржи витамин Е и фитохемикалии кои не се присутни во варениот костен, додека, пак, варениот содржи поголем процент на минерални состојки.
Нутритивна вредност на костенот (100 г)
- Витамин Б: 22мг
- Рибофлавин: 22мг
- Ниацин: 6мг
- Калциум: 27мг
- Железо: 3,8 мг
- Фосфор: 373 мг
- Маснотии: 4,1 мг
- Протеини: 2,9 мг
- Калории: 377
Иако плодот на костенот е многу хранлив, потешко се вари.
Бидејќи е богат со калиум, а сиромашен со натриум, костенот им се препорачува на лицата со бубрежни проблеми и кардиоваскуларни заболувања. Од останатите јаткасти плодови се разликува по нискиот процент на масти, високиот процент на скроб (околу 44 %) и претставува единствен плод од ваков вид што содржи витамин Ц.
