Студијата објавена во медицинскиот магазин Јама е една од најобемните досега направени студии. Опфатила влијание на неколку штетни материи, а биле опфатени повеќе од 7000 луѓе на возраст од 45 до 84 години во шест големи места во Соединетите Американски Држави – Балтимор, Чикако, Лос Анџелес, Њујорк, Сент Пол, Минесота и Винстон-Салем. Истражувањето траело десет години.
Со користење на ЦТ скенер истражувачите го анализирале влијанието на различни загадувачи врз здравјето на човекот. Покажале како влијаат, пред се, на белите дробови. Изршиле едноставно тестирање – измериле колку личноста може во еден здив да вдише воздух.
Личностите кои биле опфатени со студијата биле здрави на почетокот на истражувањето. Анализирано било што влијае врз здравјето на нивните бели дробови – што подразбира индикатори како старост, дали се пушачи, како и дали се изложени на чад од цигари.
Резултатите од студијата покажале дека озонот како загадувач најмногу штетно влијае на белите дробови. Последиците се отежнато дишење и појава на астма. Како што наведува Си-ен-ен, озонот е материја во смогот која не може да се види.
Професорот по медицина и епидемиолог Грехем Бар укажал дека влијанието на загадениот воздух е еднакво на влијанието на 29-годишно консумирање цигари.
Поранешни студии, пак, покажале дека последиците од загадениот воздух САД ќе ги чинат неколку милијарди долари. Последицата од овој проблем е 107 000 починати од 2011 година па наваму, потсетува Си-ен-ен.
