Наглата промена на времето е погодна за развивање вируси и настинки, па е важно навреме да се зајакне имунитетот, зашто само така ќе станеме поотпорни на вируси и бактeрии и ќе го зајакнеме имунолошкиот систем во текот на целата година, а на тој начин ќе си го подобриме здравјето.
Во тоа може да ни помогнат намирниците богати со витамини и минерали, кои благотворно влијаат на нашиот имунитет, а кои би требало секојдневно да се наоѓаат на нашето мени, ако сакаме да го зачуваме здравјето.
Мед
Природниот мед е полн со антиоксиданти, ензими и минерали, вклучително цинк, железо, калиум, калциум, магнезиум и селен. Исто така, содржи и витамин Б6 и тианин. Ги отстрануива слободните радикали од организмот, а со тоа само го подобрува нашиот имунитет. Во комбинација со куркума, медот е исклучително моќен природен антибиотик.
Куркума
Богата е со влакна, минерали и витамини, па според тоа има благотворни дејства на состојбата на нашиот организам. Таа е богат извор на фитонутритиенти, куркумин, кој има противвоспалителни својства кои го чуваат нашиот организам од воспалителни процеси, кои настануваат како резултат на падот на имунитетот. Направете свој напиток за јакнење на имунитетот така што ќе изрендате парченце ѓумбир, ќе додадете лажичка куркума и ќе исцедите еден лимон. Сето ова прелијте го со четири чаши вода, добро измешајте и оставете во фрижидер. Две чаши дневно ќе направат чуда за вашиот имунитет.
Алое вера
Освен силно регенеративно дејство на кожата има исклучителен ефект и на балансот во нашиот организам. Богато е со Ц и Е витамин и може да спречи дехидратација.
