Желба за специфична храна секогаш укажува на присуство на одредени чувства. Американски доктори за пореметувањата во исхраната тврдат дека емоционалното прејадување е најголем виновник за прекумерна тежина и лоши навики во исхраната.
Желбата за некоја специфична храна секогаш укажува на некои потиснати чувства. Ако, на пример, внатрешниот глас ви кажува дека треба повеќе да се забавувате, а вие не го слушате, ќе имате голема желба за храна која содржи пиразин, како што се кикиритки, индиски ореви или ореви, затоа што пиразинот го активира центарот за задоволство во мозокот.
Сладолед од чоколадо
Значење: Страв. Разочарувањето во љубовниот живот се претворило во страв и самообвинување. Длабоко во себе имате претстава за својот вистински љубовен живот. Следете ги своите внатрешни насоки кон таа љубов.
Помфрит
Значење: Напнатост помешана со чувство на празнина. Чувство дека го „пропуштаме возот“ и дека треба да се направи нешто промислено. Следете ја својата интуиција која води во складни и смислени насоки.
Кафе
Значење: Исцрпеност поради активности кои ви се бесмислени или ве плашат. Можно е да сте разочарани на работното место. Насочете се кон вистинскиот извор на енергија, вистината која е длабоко во вас.
Печено пилешко
Значење: Желба за родителска љубов, среќно семејство и едноставност. Свртете се кон семејството и пружете им љубов и поддршка.
Мајонез
Значење: Страв или несигурност поради тоа што го правите. Желба за поддршка и лидерство. Слушајте го својот отпор и откажете се од водство.
Леб
Значење: Несигурност и желба за утеха и смирување. Сакате да бидете заштитени и сонувате за љубов.
