Зелениот чај и ѓумбирот ги ублажуваат симптомите на артритисот

Олеснување на болката и укоченоста може да се побараат во шољичка топол чај, особено затоа што чаевите имаат фантастични противоспалителни својства, а достапни се секому.

Болката и укочените зглобови се карактеристика на артритисот и значајно влијаат на квалитетот на животот на луѓето. Олеснување на болката и укоченоста може да се побараат во шољичка топол чај, особено затоа што чаевите имаат фантастични противоспалителни својства, а достапни се секому.

Кога се работи за ублажување на симптомите на артритисот најкорисни се чајот од ѓумбир и зелениот чај. Секако пред да се одлучите да ги консумирате секојдневно, треба да се посоветувате со докторот и да ја отфрлите можноста тие негативно да реагираат со лековите кои  ги примат.

Чај од ѓумбир

Познато е дека ѓумбирот е меѓу најлековитите растенија, кој помага за болки во абдоменот. Истражување спроведено во Италија во 2016 година потврдило дека ѓумбирот има позитивен учинок кај намалувањето на воспалението и хроничната болка во коленото кај лицата со артритис. Пациентите земале по 25 мг. ѓумбир во текот на 30 дена и потврдиле дека болката е значително намалена.

Чајот се подготвува многу едноставно. Коренот од ѓумбирот се сече на тенки кругови и се врие во вода околу 10 минути. Чајот се консумира свеж.

Зелен чај

Освен што е заштитиник на срцето и мозокот, овој супер антиоксиданс може да помогне и за намалување на болката во зглобовите кај воспаленијата предизвикани од ревматски артритис. Истражувања покажале дека фитохемијата во зелениот чај позната како епигалокатехин-3-галат(ЕГЦГ) помага во блокирање на последиците од ревматскиот артритис без да влијае на функцијата на клетките. Зелениот чај може да се пие секој ден една до две шољички во денот.