Зелениот листест зеленчук содржи витамини и минерали кои се неопходни за нормално функционирање на организмот, како железо, фолна киселина и магнезиум. Спанаќот е одличен извор на железо и фолна киселина, како и на аминокиселината тирозин, која го подобрува памтењето и мозочните функции. Блитвата е извор на сулфурни компоненти кои помагаат во борбата против ракот, додека кељот е богат со омега-3 киселини.
Што значи една порција зелен зеленчук?
Често може да се прочита дека за добро здравје е потребно да се изедат две-три порции зелен зеленчук на ден, но дали некогаш сте се запрашале колкава всушност треба да е една порција. Еве го одговорот – една порција зелен зеленчук е еднаква на 1 сад варен зеленчук или 2 сада свеж зеленчук.
Како постепено овие намирници да се воведат во исхраната?
Иако во детството речиси сите го гледавме Попај морнарот како џвака спанаќ и станува силен и непобедлив, зелениот листест зеленчук најчесто всушност и не е толку пожелен и чест гостин на нашата трпеза. Доколку сакате да го зголемите количество на овие намирници во исхраната еве неколку корисни идеи кои можат да помогнат:
Додајте неколку листа исечкан спанаќ во вашата омилена салата. Со добар прелив нема ни да забележите дека консумирате спанаќ. Во омиленото смути додадете прав хлорела алга, спирулина или дехидриран сок од зелена јачменова трева. Започнете го денот со зелено смути. Во комбинација со банана, спанаќот, блитвата или другиот зелен зеленчук нема ни да го почувствувате и ќе уживате во вкусот на смутито. Дополнителна предност е тоа што бананата и минералите ќе ви дадат доволно енергија да го започнете денот. Овие намирници можете да ги додадете и во омиленото јадење од зеленчук, на пример, во рижото, јадења од печурки, па дури и на пица. Јадењето ќе биде поздраво, а нема да се забележи голема разлика во вкусот.
