Според истражувањето, жените се оние, на кои им е потребно повеќе сон, а не мажите. Тоа е затоа што научниците по испитувањето на 210 жени и мажи, во средни години, откриле дека недостатокот на сон влијае повеќе на здравјето на жените, во однос на мажите.
Научниците откриле и дека, кога станува збор за жените, лошиот сон тесно е поврзан со зголемени психички потешкотии и зголемено чувство на бес, депресија и непријателство. Спротивно на тоа, тие чувства не се поврзани со недостатокот на сон кај мажите.
„Една од главните функции на сонот е да му дозволи на мозокот да се опорави и поправи. Во текот на длабок сон, кортексот – дел од мозокот кој е одговорен за помнењето, јазикот…, се одвојува од сетилата и оди во начин на опоравување„, вели професор Џим Хорн, директор на Центарот за истражување на сонот во САД и автор на книгата „Патување низ науката за спиењето„.
Значи, што повеќе го користите мозокот преку целиот ден, толку повеќе е потребно поголемо опоравување во текот на ноќта, односно потребно е повеќе сон. Бидејќи е познато дека жените преку ден извршуваат повеќе задачи, го користат мозокот повеќе од мажите, потребно им е повеќе сон, за да функционираат добро.
„Тоа е затоа што женските мозоци се различно поврзани од тие на мажите, а и се посложени, па и потребата за спиење им е нешто поголема. Просекот е околу 20 минути повеќе, но на некои жени можеби им е потребно повеќе или помалку сон„, додава Хорн.
