Жените со оваа крвна група имаат двојно поголеми шанси да останат без деца

Лекарите велат дека тие имаат поголеми шанси да останат без здрави јајце клетки или да им се јават други здравствени проблеми поврзани со плодноста

Дали жените треба да основаат семејство и да раѓаат додека се млади или прво да градат кариера многу зависи од крвната група. Ова особено се однесува на дамите со нулта (0) крвна група затоа што тие имаат двојно поголеми шанси да останат без здрави јајце клетки или да им се јават други здравствени тегоби поврзани со плодноста, предупредуваат американските стручњаци од њујоршкиот Алберт Ајнштајн колеџ.

„Спроведените истражувања покажале дека жените со 0 крвна група имаат помалку резерви на јајце клетки отколку оние со некоја друга крвна група. За ова треба да се води сметка затоа што дури 44 отсто од популацијата на планетата ја има оваа крвна група, а меѓу нив голем процент се жени“, вели доктор Едвард Нејат од овој колеџ.

Тој уште нагласува и дека припадничките на понежниот пол со А и Б крвна група се заштитени од недостатокот на здрави јајца.

„Жените со 0 крвна група немаат антигени А и Б, па заради тоа имаат поголема можност да им се намалат резервите на јајце клетки“, додава доктор Нејат.

Резервите на здрави јајце клетки инаку се намалуваат кај сите со текот на годините, па така од просечните два милиони при раѓањето, во пубертетот таа бројка изнесува околу 400 000 илјади, а после 40 година од животот само неколку стотици!