Жолтиот чај, иако посебен, тесно е поврзан со зелениот чај, бидејќи станува збор за иста билка – Camelia Sinensis. Тој се бере порано, па затоа се смета дека содржи повеќе антиоксиданти кои се губат за време на растењето.
Жолтиот чај како и зелениот, содржи кофеин, па не треба да се претерува со количините, а, исто така, не се препорачува да се пие пред спиење.
Добар е за здравјето и помага при слабеење
Жолтиот чај, иако е добар за здравјето, најпознат е како добар начин за слабеење. Тајната на овој напиток е во ензимот кој изобилува со полифенолот epigallocatechin gallate (EGCG). Тој ја стимулира оксидацијата на мастите, односно го поттикнува согорувањето на вишокот маснотии и ја зголемува потрошувачката на енергија. Се тврди дека консумирањето на жолт чај со умерена исхрана може да помогне да се намалат и до пет килограми за еден месец.
Во нормални количини тој делува на здравјето на срцето и крвниот систем, го нормализира притисокот и ја зголемува енергијата. Секојдневна консумација на шолја чај е идеална за здравјето. Ќе ги смири болките, нервите и ќе ја зголеми концентрацијата. Исто така, го чува здравјето на усната шууплина, бидејќи спречува крварење на непцата, а со тоа и испаѓање на забите.
Какко се подготвува жолтиот чај?
Методот отприлика е ист како и кај приготвувањето на белиот чај, што значи дека се подготвува со нешто поладна вода. Водата треба да се загрее до 165 степени Целзиусови и потоа да се остави малку да олади. Во шолјата се става лажичка од чајот и се прелева со вода. Се остава да стои три минути поклопен, па се пие.
