Пролетниот замор е чувство на засилен замор, намалување на концентрацијата и лошо расположение, кое се јавува на почетокот на пролетта, во март и април.
Станува збор за нормален физиолошки процес кој се јавува кај целата популација, но некои го чувствуваат повеќе, додека други успешно ја превенираат оваа појава со низа различни постапки. Ова е идеално време, ако веќе не сте физички активни, да излезете и почнете да се занимавате со некоја телесна активност.
Престојувајте на воздух
Телесната активност и престојот на воздух и сонце ќе го поттикне лачењето на хормонот на среќата и синтезата на витаминот Д, што заедно со уште некои други постапки, ќе ви помогне во борбата против овој сезонски проблем.
Телесната активност го забрзува метаболизмот и ја подобрува циркулацијата, поради што лицето се чувствува подобро и поодморно. Помага во регулацијата на телесната маса и ја подобрува човековата општа здравствена состојба (физичка, ментална и социјална).
Истовремено помага во превенцијата на различни хронични незаразни заболувања (дијабетес тип 2, кардиоваскуларни болести и некои малигни болести), и го намалува ризикот од појава на остеопороза. Телесната активност се препорачува на сите и вежбањето може да се прилагоди на сите возрасни групи и здравствени состојби.
Препораките на Светската здравствена организација за нивото на телесната активност е 150 минути телесна активност неделно, или 75 минути активности со посилен интензитет. Некои од активностите кои се препорачуваат на сите се пешачење, пливање и возење велосипед. Пешачењето е едноставно, не бара посебни вештини и знаење, може да го практикуваат лица од сите возрасти и активноста ретко е поврзана со повреди.
ОСТАНАТИ СОВЕТИ ЗА БОРБА ПРОТИВ ПРОЛЕТНИОТ ЗАМОР СЕ:
-
Внимавајте на правилната исхрана
-
Јадете намирници богати со витамин Ц
-
Бирајте намирници богати со железо
-
Најдете време за некоја од активностите на отворено (пешачење, трчање, возење велосипед, возење ролерки, планинарење…)
-
Јадете што повеќе зеленчук
-
Пијте доволно течности
-
Доволно спијте
