Кога е студено и кога респираторниот и имунолошкиот систем се загрозени, најбитно е да се внесува правилна храна која ќе го стимулира имунолошкиот систем на организмот.
Типична зимска намирница која може да го зголеми имунитетот е киселата зелка, која е богата со витамин Ц и пробиотици. Киселата зелка е на прво место кога станува збор за зимска исхрана зашто покрај со витаминот Ц богата е и со витамини А, К и Б- група на витамини, особено витаминот Б12. Таа е мала ризница на хранливи материи и лековити состојки кои особено во зима му годат на нашиот организам, ги зајакнуваат одбранбените сили и не чуваат од грип и настинка.
Кефир и јогурт, исто така, се препорачуваат, како и храна богата со цинк – црн дроб, говедско, јагнешко месо, грав, шипки, кои се богати со витамин Ц. Пилешката супа е добар природен начин да се зачува имунитетот, бидејќи е богата со глутамин.
Што се однесува до чаевите, не треба да се претерува со внесување на зелен и црн чај, како и кафе, бидејќи се богати извори на кофеин, кој поттикнува дехидрација. На сите оние, пак, кои не консумираат месо или млечни производи им се препорачуваат житни култури. Хељдата е вистинска зимска намирница, како и другите житарки.
Во зима деновите се пократки, сонцето го има се помалку, организмот е успорен и тромав, а сето тоа негативно влијае на метаболизмот, расположението и навиките во исхраната. Нашето тело се лади побрзо и има потреба од многу повеќе енергија за загревање. Во овие постудени денови се препорачува да се јадат повеќе варива и да се внесуваат што повеќе цитрусни овошја и чаеви. Лимони, портокали, сливи, суви смокви и кајсии, бадеми, лешници, ореви и други зеленчуци, како и домашни џемови, сокови и мед нека ви бидат при рака.
Зиморливите луѓе треба дополнително да водат сметка за статусот на железо во крвта. Црниот дроб, црвеното месо, спанаќот, сусамот се богати со железо, но секогаш треба да се комбинираат со исхрана богата со витамин Ц, како киселата зелка, на пример. Создавање на топлина поттикнуваат и зачинетите јадења, додека алкохолот треба максимално да се избегнува, како и шеќерот, кој, исто така, го лади телото.
