З
имата обично значи консумирање повеќе масна храна, што пак резултира со зголемување на телесната тежина. Сепак и во овој период од годината има намирници кои нема да не здебелат, доколку почесто ги користиме.
Ниските температури и лошото време не затвораат дома. Брзото стемнување на спречува почесто да излегуваме на прошетки и во природа, не прави мрзливи и не тера, едноставно да седиме пред телевизор. Тоа веќе се доволни причини за накачување на килограмите, а кога ќе се додаде и вообичаената зимска калорична храна, не е чудно што само во декември луѓето во просек добиваат по три килограми повеќе.
Заради тоа, за да не мораме напролет да се соочуваме со диети, добро е во текот на зимата да составиме мени кои нема да не здебели.
Морковот може да помогне во одржување на ситост со изобилството на растителни влакна, а многу е важен и затоа што содржи бета-каротен, кој спречува недостаток на витаминот А.
Кромидот и празот треба почесто да бидат на менито, бидејќи празот и содржи калциум и железо и помага да се намали вишокот на масти околу стомакот, а кромидот помага во одржувањето на нивото на шеќер во крвта, што пак го спречува чувството на ненадејна глад.
Спанаќот има двојно повеќе влакна отколку другите зелени зеленчуци и е идеален за оние кои сакаат да се ослободат од вишокот килограми. Како богат извор на антиоксиданти, тој е фантастичен избор за студените денови.
Компирот е уште една намирница идеална за зимските денови, полна со влакна и со витамин Ц. Ако се готви во лушпата ќе добиете исклучително здрава намирница која не дебели, а и го држи под контрола нивото на лошиот холестерол.
