Знаете ли што се случува за време и по потресот на мозок?

За време на удар, мозокот се придвижува кон внатрешноста на черепот при што може да дојде до нагмечување. Исто така, различни делови од мозокот при тоа може да се движат со различни брзини, поради што доаѓа до контакт на одредени делови, кое може да предизвика истегнување и кинење на нервното ткиво.

Потресот на мозок е една од формите на трауматска повреда на мозокот до која доаѓа по удар во главата. Внатре во черепот, мозокот  езаштитен со мозочни обвивки (менинги) и потопен во цереброспинален ликвор. Нивната улога е да го заштитат мозокот од физичка траума.

За време на удар, мозокот се придвижува кон внатрешноста на черепот при што може да дојде до нагмечување. Исто така, различни делови од мозокот при тоа може да се движат со различни брзини, поради што доаѓа до контакт на одредени делови, кое може да предизвика истегнување и кинење на нервното ткиво. Притоа, се менува и рамнотежата на јоните и хемикалиите во мозокот, што ја нарушува функцијата на нервните клетки и придонесува за губење на свеста.

Некои нервни влакна успешно се опоравуваат од таквата повреда, но оние кои претрпеле потешки оштетувања може трајно да ја изгубат способноста за испраќање сигнали и комуникација со останатите клетки во мозокот.

ШТО СЕ СЕКУНДАРНИ ПОВРЕДИ?

Секундарните повреди се процеси активирани во повредениот мозок кои може да ги влоѓат последиците од потресот. Таквите видови на повреди вклучуваат производство на штетни соединенија кои се нарекуваат слободни радикали, појава на воспалителни процеси во мозокот и пречки во транспортот на молекулите внатре во нервните клетки, како инеурамнотеженост на клучните јони потребни за нервните функции. Опоравувањето од овие повреди енергетски е многу напорен процес, а оштетувањето до кое дошло по траумата, им отежнува на нервните клетки да ја произведуваат потребната енергија. Исто така, забавен е и протокот на крв до  местото на повредата, што ја попречува испораката на кислород и хранливи материи потребни за опоравување.

Многу луѓе кои доживеале потрес на мозокот се соочуваат со т.н. постконтузиски симптоми како што се главоболка, вртоглавица, замор, ослабен фокус и зголемена чувствителност на светло и звук. Симптомите обично се повлекуваат за неколку недели, но кај помал број на пациенти може да потраат и подолго и да бидат оговорни за долготрајни промени во когнитивните функции.